Mas di 600 empleado di MetaCorp a ricibi nan ham di Pasco

(ADVERTORIAL)

ORANJESTAD - Manera ta un tradicion pa hopi aña caba, diahuebs ultimo MetaCorp a organisa nan evento di ham pa tur empleado. Pero e aña aki a hacie diferente, adaptando na e reglanan di distanciamento social. Pa tin mas espacio, a invita empleadonan na Drive-In, pa pasa cu nan auto y busca nan ham. Na mes momento a informa cu compania a percura pa un regalo financiero e luna aki y cu ta cuminsa traha 90%, pues subiendo e salarionan mensual desde e luna aki mes.

Pa añanan ehecutivonan ta esunnan cu ta traha p'e empleadonan, kendenan den oranan di atardi ta pasa busca nan ham. Un biaha mas a cushina hotdog pa nan, un custumber nobo desde aña 2015. E team di directornan di MetaCorp, esta Eddie de Veer, Peter Bommel, Robert Carrasquero y Guus Slabbekoorn, un biaha mas a cushina y grill mas cu mil hotdog p'e empleadonan.

E aña aki MetaCorp a parti mas di 600 ham y no por lubida cu a tuma mas empleado den servicio, casi 120 empleado nobo na IMAX-Gloria cu lo tin su apertura pronto. Esey ta pone cu a amplia e cantidad di mas cu 400 empleado cu tabatin caba den servicio.

Aña 2020 mester mir'e, pa MetaCorp, di un otro forma, asina Eddie de Veer, director di MetaCorp, a expresa. Pa Aruba e aña tabatin su retonan. "Como empresa nos a sobrevivi, nos empleadonan a adapta rapidamente a base di nan training, a base di iniciativa," el a splica. “Pero tambe a base di nan dedicacion, MetaCorp a logra reduci e impacto cu 2020 y e pandemia a trece pa Aruba”.

Na 2021 MetaCorp ta bay traha pa trece bek e nivel cu tabatin den pasado. De Veer a splica cu ta bay yuda e economia pa bin bek mas lihe posibel, e empleadonan di MetaCorp ta cla pa bay p'e. Eddie de Veer ta kere cu 2021 lo bay ta un bon aña.