Apenas 31% di poblacion di Venezuela a vota pa eleccion Parlamentario

CARACAS – E partidonan di gobierno a gana e eleccion parlamentario diadomingo. Asina e presidente di Consejo Nacional electoral Indira Alfonso a informa dialuna marduga. Mester bisa cu apenas 31% di poblacion a participa y cu 82.35% raportando, tabatin 5.264.104 voto conta. Di e montante ey, Alianza Gran Polo Patriotico cu ta un grupo di partido cu ta sostene gobierno di Nicolas Maduro, a logra 67.6% cu ta 3.558.320 voto. E alianza ADE, COPEI, CMC, AP, El Cambio a logra 17.95% cu ta 220.502 voto, segun informacion ricibi. Partidonan VU, PV y VPA a logra 4.19% cu ta 220.502 voto, y PCV a logra 2.73% cu ta 143.917 voto. Demas partidonan a logra 357.609 voto cu ta 6.79%.  Di e cantidad di 274 posicion, por lo menos 176 den e Asamblea Nacional ta pertenece na e oficialismo, pues e mayoria, segun e resultado oficial. Internacionalmente ta cuestiona e resultado sinembargo, argumentando cu e eleccion no tabata liber y cu e resultado no ta cuadra cu realidad.