Polis a bolbe usa extra personal pa controla off road Trip sin permiso

ORANJESTAD - Mirando e situacion ayera cu practicamente tur unidad di Cuerpo Policial mester a wordo uza pa por a controla e asina yama OFF ROAD sin permiso cu tuma lugar entre otro usando e parti panort di nos isla, awe polis mester a bolbe pone extra personal pa un otro trip sin permiso. Un cantidad grandi di vehiculo a wordo confisca y hiba pa diferente warda di polis. Cuerpo Policial a haya informacion cu awe atrobe lo ta organizando un asina yama OFF ROAD y pa e motibo tabatin pues extra personal ariba caya pa controla esaki.

CONSECUENCIA

Mester tene na cuenta organisando algo asina sin permiso por tin como consecuencia cu bo vehiculo por wordo confisca. E persona lo haya un multa. Y un vehiculo confisca lo nifica tur e costonan pa takel e auto, brommer, UTV, ATV etc. y e dianan cu e keda den un di e wardanan ta bay pa e conductor di dicho vehiculo.