A anuncia medida 'nobo' contra COVID19 awe pa 2 siman

ORANJESTAD – Gobierno a anuncia un lista di medida ‘nobo’ relaciona cu COVID19, cu ta drenta na vigor pa proximo 2 siman. Entre nan, bar y rumshop cu no ta sirbi cuminda, ta keda cera, e cantidad di hende cu por sinta hunto na restaurant ta baha di 14 pa 8 paden, y pafo ta bira 10. Ademas, ta permiti solamente 3 musico riba scenario paden y pafo. Pa loke ta encuentro na cas, por tin maximo 30 hende paden y 60 pafo, considerando cu ta tene na regla di COVID19. Si ta bay supermercado, ta permiti solamente un persona pa famia. Deporte por continua cu medida di precaucion, pero sin publico. Entiero, tin maximo cantidad di 30 persona y mester tene distancia y mester bisti tapaboca. Arubianonan cju ta biaha, mester test na yegada na airport, y ta urgi pa tene cuarentena di 10 dia apesar di haya resultado negativo. E no ta un obligacion 'ainda', y ta keda na e persona su responsabilidad y consenshi.