Lo anuncia medidanan ‘nobo’ pa COVID19 awe

ORANJESTAD - Crisis Team y gobierno di Aruba lo anuncia medida nobo relaciona cu COVID19 diabierna mainta. Asina e informacion cu e portal aki tin, ta bisa. Lo haci e anuncio aki pa 11'or di awe mainta. Manera cu premier Wever Croes a bisa den e programa Noticiacla LIVE diahuebs mainta, si casonan positivo sigui aumenta cu cifranan entre 20 cu 30, lo haci esaki. Diahuebs e cantidad di caso tabata 21 y pa varios dia sigui e tabata den e cantidad ey. Mientras cu no sa ainda kico e medidanan nobo lo ta, e mandatario a bisa pa pensa den direccion di re introduci Toque de Queda, cierre mas trempan di lugarnan anochi, y cambia bek di 14 hende na mesa paden pa 4. E ultimo ta un posibilidad dependiendo e motibo di e aumento awor. Pasobra si ta debi na clusters na cas p.e., no por hustifica e medida ultimo aki. Keda pendiente pa e anuncio awe.