- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Analisis: Cuanto oportunidad Corsou tin contra Costa di Marfil?
- Dera gai no ta solamente un baile, sino un portret di Aruba mes
FHMD a bira FCVR y a tene soft opening di e Centro Multifuncional
ORANJESTAD - Den pleno siman di e campaña Orange 2020, den cual ta traha riba concientizacion contra violencia, e Fundacion pa nos Hende Muhernan den Dificultad a organiza un apertura “soft” di nan shelter nobo cu ta acapara 16 unit mas acerca di locual nan tin, cu ta facilita cu por yuda mas cliente.
Hunto cu e apertura no oficial di e Shelter Nobo a lansa nan nomber y logo nobo den e luna den cual e fundacion ta cumpli 25 aña di existencia. Fundacion Contra Violencia Relacional ta e nomber nobo di Fundacion pa nos Hende Muhernan. Sra. Audrey Croes a duna un presentacion di e logo nobo y a splica di e cambio di nomber.
Na e ocasion aki a yama Sra. Dora Koolman Croes, Dama Protectora y Fundadora di e Fundacion danki y a entregue un bouquet di flor como muestra di aprecio. A dedica un danki special na tur e miembronan di e fundacion durante tur e añanan. Un danki special a bai pa Sra. Yvonne Spellen cu tabata presidente di e fundacion desde comienzo (1995) te cu 2016 ora ela baha. Sra. Suzy Kock, Presidente di e fundacion a duna un speech den cual el a gradici un y tur cu a haci e soño pa por cumpli cu e “Verdrag van Istanbul” na unda Aruba no solamente ta cumpli cu e rekisitonan internacional pa loke ta maltrato relacional. Na e ocasion aki a presenta e presidente di e Fundacion bou nomber di Fundacion Contra Violencia Relacional Sra. Audrey Croes.
Sra. Magaly Maduro, coordinadora di e awor yama Fundacion Contra Violencia Relacional a duna esnan presente un recorido di e lugar conforme protocolnan di COVID19 y a expresa su alegria cu e ta wak e unitnan bira un realidad cu tin posibilidad pa yuda mas hende awor. E proyecto aki tabata posibel cu ayudo financiero di Hulanda via e MInister di Binnenlandse Zaken Knops cu a coopera pa realiza esaki.
E invitadonan a consisti di e Minister Presidente di Aruba, Evelyn Wever Croes, Minister di Asuntonan Social, Sr. Glenbert Croes, representantenan di Hulanda na Aruba VNO, miembronan di Directiva y empleadonan di e Fundacion.