Tin un retraso pa renoba 4000 pa 5000 rijbewijs cu a caduca

ORANJESTAD - Tin un retraso di por lo menos 4000 pa 5000 rijbewijs cu a caduca y no por a wordo renoba ainda. Asina Censo a anuncia. Mes momento a anuncia tambe cu nan mes ta bay cuminsa emiti e rijbewijs nan aki. Censo lo trata di recupera di e retraso aki mas lihe posibel. Ta calcula cu den dos luna di tempo nos lo por logra esaki. Ta pidi cooperacion di tur hende y den un corto tempo tur hende por tin nan Rijbewijs Arubano na ordo. Na principio por ta cu bo persona lo tin cu warda un tiki mas largo pa haya cita. Di parti di Censo nos ta pidi nos clientenan comprension pa esaki. E meta final ta pa Pais Aruba por otorga un Rijbewijs Arubano, na un manera sigur, confiable, lihe, eficiente y servicial.