Studiante di Aruba Gabriela Croes ta luci den cinematografia na Hulanda

UTRECHT – Un studiante di Aruba na Hulanda ta den spotlight pa un di su trabounan estudiantil. Su nomber ta Gabriela Croes (23) y ta studiando AudioVisual Media (film) na De hogeschool voor de Kunsten Utrecht. Eta den su ultimo aña, y e aña aki, como editor, e mester a edita 3 short films. E Nederlandse Film Festival a selecta 35 student shortfilms di e 95 pelicula nan cu nan a ricibi. Un di e pelicula nan selecta, ta un di e pelicula nan cu e la edita "Akela". E studentcompetition lo tuma luga entre 9 cu 13 di December 2020. Lastimamente e film festival lo pasa online e aña akinan, esaki ta bin door di e epidemia. Pero asina mes nan ta super contento y orguyoso!

Cu su 16 aña e la competi den e Short film festival di Aruba y a gana e best film y best editing den e categoria Hubenil. E ta importante pa nos hobennan na Aruba realiza cu nos tin hopi talento riba nos isla. Si nos sigui hinca tempo y desaroya nos talentonan, nos tin e oportunidad di logra cosnan grandi na Aruba y tambe den exterior pa asina sigui hisa Aruba su nomber internacionalmente.