Stichting Frank Polanco ta organiza ‘Double Iron Man Challenge’

ORANJESTAD - E evento organiza pa Stichting Frank Polanco , hunto ci Shariska Winterdal ta hiba como nomber , " E Spirito Arubiano". E ta un Double Iron Man Challenge cu lo cuminsa dia 11 di December 2020, pa 3or di atardi y termina 30 pa 35 ora despues, cu lo ta diadomingo marduga mainta. Den un double Iron Man bo ta landa 7.6 km. Despues bo ta core 360 kilometer riba bicicleta , pa despues  core 84 kilometer na pia. Sin drumi, cu break nan chikito entre e diferente disciplina nan. E hazaña ta cuminsa ki landamento diabierna 11 di December pa 3or di atardi na Arashi. E landa ta bay concentra entree Arashi – Boca Catalina – ship wreck (2 buelta). E ruta di bicicleta ta sali di Arashi bay Lago Heights bin bek Arashi 5 biaha, y e coremento na pia lo ta entre Arashi I linear Park pa asina cubri full e distancia.