Atracoteam a detene grupo Venezolano cu tabata planeando un atraco

ORANJESTAD - Awe mainta y durante siman cu a pasa Atracoteam tabatin diferente entradanan hudicial entre otro na dos cas den bario na Parkietenbos y Nuñe. E sospechosonan deteni ta di inicialnan: Y.M.Z.L., W.J.V.R., J.C.F.A., R.A.B.E., A.M.M.M., A.G.R.R.E. Edadnan di e 6 sospechosonan ta varia di 22 pa 36 aña y tur ta di nacionalidad Venezolano. Durante un di e entradanan hudicial a confisca un revolver. Cu detencionnan aki atracoteam ta soluciona 4 caso di atraco cu a tuma luga den lunanan di Mei, September y November.  Mirando cu nan tabata planeando un otro atraco no por a risca y ministerio publico a opta pa duna orden pa detene e sospechosonan aki.  Mester bisa cu e personanan deteni ta wordo considera sumamente peligroso y ta pesey a hasi uso di e team di aresto y otro departamentonan special di Cuerpo Policial.  No ta descarta cu mas detencion lo cay. Pa Cuerpo Policial por resolve mas caso cu cooperacion di e pueblo di Aruba. Esaki ta hopi importante pesey  ta pidi si bo tin cualkier informacion jama e tiplijn: 11141. Potret ta di archivo di un entrenamiento di atraco team.