Cifra di caso positivo di COVID19 ta sigui aumenta na Aruba

ORANJESTAD – E casonan pa 5 dia sigui ta sigui subi na Aruba di casonan positivo pa COVID19. Segun resumen di awe a registra un total di 25 caso nobo di Covid-19, di cual 3 ta no-residente, cantidad di testnan ehecuta ayera ta 449 'positivity rate' local riba dia di awe ta 14%). Y tin 16 persona a recupera.

Activo tin awe un total di 124 caso, cantidad di fayecido relaciona cu Covid-19 ta na 45.

Hospital ta informa cu tin un total di 7 persona interna di cual 2 ta den Cuido Intensivo y 5 isola riba piso general.

SUBIENDO ATROBE

Comunidad mester ta mucho mas alerto awor cu casonan ta subiendo atrobe.

Nos no mester warda te ora cu e casonan cuminsa aumenta drasticamente atrobe pa cuminsa cuida nos mes mas.

E momento ta awor. 

Evita pa ta den gruponan di hende, evita aglomeracion, mantene distancia di 1.5 meter di otro, laba man mas frecuentemente of uza handsanitizer y es cuta malo porfabor keda cas y yama dokter di cas pa por test. 

E momento pa tuma accion ta awor. Aruba ta conta cubo!