Crisis team: Clusternan ta formando cu mas frecuencia den famia of na trabou

ORANJESTAD - Segun resumen di awe a registra un total di 13 caso nobo di Covid-19, di cual tur ta residente, cantidad di testnan ehecuta ayera ta 388 (porcentahe di positivo localmente awe ta 13%), y awe 8 persona a recupera. 

ACTIVO

Activo tin awe ta 106 caso, cantidad di fayecido relaciona cu Covid-19 ta na 45.

HOSPITAL

Hospital ta informa cu tin un total di 8 persona interna di cual 2 ta den Cuido Intensivo y 6 isola riba piso general.

CASONAN SUBIENDO

Segun dato di e cifranan por observa cu e casonan ta subiendo poco poco. Ta tumando nota di cluster nan cu ta formando cu mas frecuencia. Sea den seno familiar, na pia di trabou of despues di actividad social entre amigonan.