Diputado di Bonaire ta retira temporal pa regla asunto di divorcio

KRALENDIJK – Diputado di Bonaire Elvis Tjin Asjoe a retira temporalmente di politica, pa por atende e.o. su asuntonan di divorcio y lo bolbe un aña prome cu e proximo eleccion (22 maart 2022). Den su carta di retiro, e ta haci mencion di motibonan personal pero despues den un voicenote e ta splica cu e motibo ta pa atende cu su asunto di divorcio. Tjin Asjoe ta lider di e partido MPB y te cu ayera a fungi como un di e diputadonan di conseho insular di Bonaire pa e partido. Den un carta pa su partido y tambe un voice note, e ta splica pues e motibonan di retiro temporal. Tjin Asjoe ta casa di actual CEO di oficina di turismo di Aruba (ATA) Ronella Tjin Asjoe pero manera e mes ta bisa, ta den proceso di divorcio.