Homber tira na su heup na Mabon

ORANJESTAD - Dialuna despues di mey anochi, na Centro Medico, ta yega un persona cu un tiro na su heup. Mesora ta pidi pa presencia di polis, cu na yegada di patruya ta bin compronde cu ta trata di un caso di drive by shooting. Aparentemente un auto a pasa los tiro na altura di e Post di polis di barrio den Caya Bohi, na Mabon Kavel. E victima ta un conoci di polis cu aparentemente lo tin di haber cu problemanan di e gang di Mabon Kavel cu Cayenastraat. Despues cu e victima a wordo trata na Centro Medico el a wordo transporta cu ambulance pa hospital. Polis, recherché y tambe departamento tecnico di polis a bay den caya Bohi pa hasi mas investigacion.