CDC ta recomenda Mericanonan no biaha pa islanan ABC

MIAMI – E centro pa control pa malesa na Merca CDC, considera como e organo federal di salud, ta pidi tur Mericano pa no biaha pa islanan ABC (Aruba, Bonaire y Corsou). Segun e informacion riba nan portal, e alerta ta di dia 21 di November 2020, esta 4 dia pasa. “Biaheronan mester evita tur biahe pa Aruba (Corsou y Bonaire). Biahando pa e destinacionnan aki por aumenta bo chens di keda contagia y plama COVID19” e mensahe ta bisa pa cada isla separa. Y si mester biaha toch, tin rekisito pa ora cu nan bolbe Merca. Esaki ta pa nan test y keda cas pa por lo menos 7 dia. Esaki ta mustra cu aunke p.e. e cantidad di casonan na Aruba ta hopi abou, toch esaki no ta refleha den e conseho di Merca.