Presidente elect Mericano Biden a presenta su prome miembronan clave di su gabinete

LOS ANGELES – E icono di television Mericano Larry King, a fayece diasabra na Cedar-Sinai Medical Center na Los Angeles na edad di 87. Mientras cu no ta bisa cu el a muri di Covid19, el a test positivo comienso di e luna aki y a wordo trata pa e virus. King tabata hopi conoci pa su entrevistanan na CNN pa 25 aña largo y despues a sigui cu su racha di entrevistanan interesante. Su vestuario, su forma relajante di haci pregunta, a pone cu e tabata considera como un di esnan miho den haci entrevista. Hopi periodista y moderador ta considera King como un icono y modelo pa cu periodismo. 

WASHINGTON – Awe merdia Joseph Biden y Kamala Harris a huramenta como presidente y vice presidente nobo di Merca respectivamente. Un acto historico pa varios motibo, manera entre otro e prome dama di color cu ta bira vice presidente di e pais, y tambe e hecho cu no tabata permiti publico na e ceremonia debi na e pandemia. Ademas ta prome biaha den 150 aña cu e presidente saliente no tabata presente. Ta sigui un sin fin di ceremonia y fiesta pa conmemora e momento aki, aunke modera pa motibo di e pandemia. 

WASHINGTON – Pdresidente Mericano Donald Trump a bandona Cas Blanco pa di ultimo biaha awe mainta y a biaha pa Florida. Trump y su casa a aborda e helicopter Marine One cu a transporte pa un base aereo den cercania, unda cu nan lo subi avion Air Force One (e avion presidencial) cu lo hiba nan pa Florida. Remarcable tabata cu vice presidente Mike Pence no tabatey pa dispidi. Contrario na tradicion, Trump lo no ta presente na inauguracion di Joe Biden como proximo presidente. Tabata 150 aña pasa cu esey no a sosode. Pence si ta bay e inauguracion. 

WASHINGTON – Awe merdia pa 1’or ora di Aruba, Joseph Biden (78) ta huramenta como e di 46 presidente di Merca y esaki ta sosode na Capitolio. Hunto cu ne ta huramenta Kamala Harris como e di 49 vice presidente di Merca. Presidente di Corte Supremo John Roberts lo haci e huramentacion di Biden, mientras cu huez Sonia Sotomayor lo huramenta vice presidente electo Kamala Harris. 

NEW YORK – Bo lo no perde aceso na e plataforma mundial di mensahe Whatsapp automaticamente entrante 8 di februari, si bo no bay di acuerdo cu nan reglanan nobo. E operadornan di e Plataforma di mensahe WhatsApp a bisa diabierna cu e lo duna su usuarionan mas tempo pa bay di aucerdo cu nan politica nobo controversial, indicando cu e regla nobo a crea confusion masivo y mal informacion riba e update pendiente. E app cu ta propietario di Facebook, a bisa cu awor nan lo pospone e cambio te cu 15 di mei proximo, envez di 8 di februario 2021. Y cu pa esnan cu no a bay di acuerdo, lo no corta servicio di ningun hende riba e fecha inicial di 8 di februari.  A compronde cu whatsapp a conoce un exodo masal pa plataformanan concurente manera telegram y signal. E compania a sigura cu e cambio di regla no ta expande e abilidad pa comparti data cu Facebook. 

LONDON – Inglatera a impone un prohibicion pa biaheronan for di practicamente henter Sur America diabierna. Asina minister di transporte Britanico Grant Shapps a anuncia. Ta trata di Sur American, Portugal y Cabo Verde. Esaki debi cu a detecta un variante di COVID19 di Brazil. Personanan cu bin di Aruba, por biaha pa Inglatera ainda pero mester bay den cuarentena pa 10 dia. Inglatera a raporta 1248 morto di COVID19 diahuebs.