United ta e di dos aerolinea cu ta ofrece COVID19 test pa su pasaheronan pa Aruba

HOUSTON / ORANJESTAD – United Airlines ta e di dos aerolinea cu ta cuminsa haci testnan di COVID19 disponibel pa destinacionnan incluyendo Aruba. Asina e aerolinea a anuncia. Nan ta cuminsa haci esey entrante 7 di December proximo, incluyendo pa 9 otro destinacion den Caribe y Latino America. Pa loke ta Aruba, esaki lo ta disponibel pa pasaheronan biahando di aeropuerto internacional George Bush for di Houston.  E forma ta cu dos siman prome cu buelo, e aerolinea lo comunica cu e pasahero cu instruccion di con pa order e test cu ta costa 119 dollar. E biahero por tuma e test 72 ora prome cu buelo, y e pasahero lo haya e resultado 48 prome cu buelo. United ta traha cu Aruba pa sigura cu tanto residente y no residente lo ta permiti pa drenta e pais cu un test cu resultado negativo.