- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Crisis team: Aruba ta suavisa medidanan pa COVID19 mañan
ORANJESTAD – Crisis team a anuncia suavisacion di medida di COVID19 entrante diamars proximo. Asina prome minister Evelyn Wever a anuncia dialuna mainta durante conferencia di prensa riba COVID19. Entre nan, e cantidad di famia cu por bishita otro, hende cu por sinta na mesa den restaurant, y cantidad di musico cu por presenta riba scenario den un establecimento paden.
CAMBIONANCrisis team a anucia cu no tin limitacion mas pa famia bishita otro den cantidad, pero e reglanan di e.o. tapaboca y distancia social ta keda vigente. Ta keda na cada famia cu conoce nan cas y cuanto hende por tin pa por tene e reglanan vigente.
RESTAURANTPa loke ta restaurant, e limitacion di 4 hende na mesa ta cambia pa 14 hende paden hunto, y pafo 20 hende. Pero barnan no por wordo usa pa sinta na dje y no por tin baliamento tampoco.
ENTRENEMIENTO
Entretenimiento tambe ta conoce cambionan. Si antes tabata permiti tres musico riba scenario paden, esaki ta aumenta ten a 5 musico/artista. Si ta un evento pafo, manera gaita, nan por ta e grupo completo, contal cu tene regla vigente, di distancia social y cu uso di tapaboca te unda ta posibel. Pero no por tin baliamento y ni para hunto den grupo ora cu esaki sosode.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
