(ADVERTORIAL)
ORANJESTAD – Pa temporada di Pasco, e Famia di NAGICO kier haci mas cu simplemente desea bo un Bon Pasco. E ta un temporada ideal pa brinda cariño, atencion y aprecio na e clientenan y p’esey NAGICO kier bisa DANKI. Riba 23 di november, NAGICO ta lansa su Campaña di Fin di Aña pa tur su fiel clientenan. E campaña lo ta den forma di un Yobida di Premio y Regalo manera bon di gasoline, bon di supermercado, co’i hunga y hopi mas!
Participacion ta Facil
Durante e simannan benidero tur dia por gana premio. E campaña ta core 23 di november te cu 31 di december y tur cliente existente di NAGICO por participa. Unico cos cu nan mester haci ta yena e number di nan poliza di seguro via e link publica riba Facebook. E cliente lo ricibi un contesta mes ora pa confirma e premio cu el a gana. Tambe por pasa na un di e oficinanan di NAGICO pa un representante por asisti cu yenamento di e informacion necesario. NAGICO ta balora tur su clientenan y pesey a dicidi pa rifa no solamente algun premio grandi, pero pa duna cada cliente cu participa un regalo. Asina, e temporada aki ningun hende no tin mester di suerte, paso na NAGICO bo premio di fin di aña ta sigura!
Pa e lanzamento di e campaña NAGICO tambe a duna sorpresa na varios cliente fiel y a parti macuto di regalo pa yama nan danki pa tanto aña di lealtad.
Mas informacion?
Bishita pagina di Facebook ‘NAGICOInsurancesAruba’ of pasa na un di e oficinanan di NAGICO na Dakota of Savaneta.
ORANJESTAD – Awe Aruba ta recorda fecha natalicio di su yiu di tera porta mas conoci, Gilberto Francios ‘Betico’ Croes. Si e tabata na bida, awe e lo a cumpli 82 aña di edad. Docente di profesion, el a drenta politica na un edad hoben, y na caminda a funda e partido politico Movimiento Electoral di Pueblo (MEP). Responsabel e.o. pa inicia proceso pa Aruba haya su himno y bandera, y pa finalmente concretisa Status Aparte pa Aruba, el a fayece na 1986, e mesun aña cu Aruba a haya su status nobo.
ORANJESTAD - Segun resumen di awe 68 persona a recupera, a registra un total di 15 caso nobo di Covid-19, di cual 13 ta residente y 2 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 452 test. 'Postivity rate' entre nos residentenan ta 14%.
ORANJESTAD – Covid-19 Crisis team di Gobierno manera informa anteriormente, a bisa cu awe a keda registra 4 persona cu a fayece na hospital di Covid-19 corona virus durante di un siman. Dos di e personanan a fayece ayera 21 di Januari y e otro dos personan a fayece dia 17 di Januari. E procedura pa registra e fayecidonan segun e protocol a haci cu awe por a anuncia e fayecidonan cu dos caso cu ta retrasa. E edad promedio di e fayecidonan ta di 77 aña. Crisis Team y Gobierno di Aruba ta extende palabranan di profundo condolencia na e famianan. Un advertencia di parti di Crisis Team ta bay na un y tur den nos comunidad, cu e mihor manera pa salba bida di bo famia, amistad y di bo mes ta mediante, distanciamento social, evita lugarnan cu hopi hende, uza tapaboca tur momento, aplica higiena di man regularmente, boost bo defensa comiendo hopi berdura y fruta y tuma bo vitamina C, D y Zink segun bo necesidad y bebe bo remedinan segun indicacion den caso di malesanan cronico. Dentro di poco Aruba lo ricibi vacuna contra Covid y nos comunidad henter lo por ricibi e proteccion cu nos mester.
ORANJESTAD -Aruba ta raporta un cantidad di 4 morto awe di Covid19 y 30 caso positivo nobo. Tin pa informa cu e 4 fayecidonan cu a keda regista awe, 2 a fayece ayera y 2 DVG su seccion di Epidemiologie a wordo informa di nan cu retraso. Por remarca si cu tur tawata interna den hospital pa extra cuido. Edad promedio di esnan cu a fayece cu of di covid-19 ta 77 aña. Segun resumen di awe 85 persona a recupera, a registra un total di 30 caso nobo di Covid-19, di cual tur ta residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 560 test. 'Postivity rate' entre nos residentenan ta 13%.