Cu RAft, CAft ta bay yuda controla e entidadnan di gobierno

Cu RAft, CAft ta bay yuda controla e entidadnan di gobierno

Posted on 11/20/2020 11:46 am AST | Updated on 11/20/2020 12:39 pm AST

DEN HAAG/ ORANJESTAD – Unabes cu e ley di reino, e asina yama Rijkswet Aruba financieel toezicht (RAft) drenta na vigor, e Colegio di Supervision Financiero pa Aruba (CAft) por usa esaki pa supervise e entidadnan di gobierno di Aruba. Algo cu aworaki no ta explicitamente regla den e Landsverordening Aruba tijdelijk financieel toezicht (LAft). Ademas e colegio lo cuminsa uza e RAFt como nan base, cu ta pone cu automaticamente e ley actual LAft lo bira ‘innecesario’. Asina e presidente di e colegio, profesor Raymond Gradus a confirma den e programa Noticiacla LIVE diahuebs anochi. Mientras cu e RAft no ta varia mucho di e LAft, e tin mas punto y ta brinda mas claridad. El a referi por ehempel cu como e LAft ta un decreto nacional esaki a trece e confusion si CAft mester raporta na Staten di Aruba of na Rijksministerraad (RMR). Awor Raft ta un ley di reino, y CAft ta un organo di reino, pues ta cla cu lo raporta na RMR como organo di reino.

RAFT TA REEMPLAZA LAFT

“Na momento cu e RAft ta anuncia den e boletin oficial di Aruba, nos lo cuminsa eherce supervision (financiero) a base di e RAft” profesor Gradus a sigura Tito Laclé pues cu a conduci e entrevista. Den esencia e diferencianan (entre LAft y RAft) lo ta limita, pero e hecho cu e supervision financiero ta regla na nivel di reino, ta haci e proporcion (di e trabou) mas cla y puro. E presidente no ta kere si cu mester considera e ora cu e LAft a bira ‘anticua’ compara cu e version di e Raft, pero si ta di acuerdo cu unabez cu e RAft drenta na vigor, e LAft ta bira innecesario (‘overbodig’). Na mes momento profesor Gradus ta remarca cu e supervision cla ariba nivel di reino lo duna un bon señal na e Mercado financiero internacional como tambe rating agencies.

SUPERVISION RIBA ENTIDAD DI GOBIERNO

E RAft tambe lo bay tene supervision riba entidadnan di gobierno cu ta algo cu no tabata e caso anteriormente. “Awor tin manera pa haci esaki (den e RAft)” profesor Gradus a sigui bisa. Ademas e ta referi na e asina yama codigo di ‘Corporate Governance’, cu lo haci cu gobierno di Aruba mes lo eherce un cierto nivel di supervision, pero CAft awor tambe tin un responsabilidad pa cu esaki. “Y Aruba mester raporta ariba na CAft cu e ta bon regla, y cu e instancianan manera Serlimar por haci nan trabou di un manera efectivo, riba distancia y cu reglanan cla” e presidente a sigui bisa.

  • Hopi atencion pa e avion Hulandes cu a trece minister Stef Blok Aruba dialuna

    Hopi atencion pa e avion Hulandes cu a trece minister Stef Blok Aruba dialuna

    ORANJESTAD – E avion gubernamental Hulandes PH GOV cu a yega Aruba dialuna merdia, a hala hopi atencion. E ta un avion tipo Boeing 737 BBJ (Boeing Business Jet) cu gobierno Hulandes a cuminsa uza 2 aña pasa. E la costa 90 miyon euro y a haya e registracion PH-GOV. E GOV ta para pa ‘government’ osea gobierno. E avion ta carga 26 persona y e interior tabata pa cuenta di Fokker Technologies. E avion a yega Aruba cu minister di relacionnan exterior Stef Blok y delegacion, cu ta den un biahe di trabou den e area aki. E ta na Aruba pa un of dos dia, pa e.o. atende e reunion di Reino pa islanan den Caribe riba relacionnan exterior. Potret portal cortesia Triple A NV. Potretnan di interior, cortesia Fokker Techniek. Demas potret ta cortesia 297 spotters. 

  • Fanaticonan di banda of publico en general no por para wak e banda toca na un establecimento

    Fanaticonan di banda of publico en general no por para wak e banda toca na un establecimento

    ORANJESTAD – Mientras cu a habri e posibilidad pa bandanan por presenta completo riba tarima entrante diamars awor, 24 di November 2020, no ta nifica cu nan por bin cu nan ‘fansnan’ cu ta sigui nan normalmente. Asina prome minister Evelyn Wever a sigura e portal aki dialuna durante un conferencia di prensa dialuna mainta riba COVID19. Ta keda na responsabilidad di e establecimento cu ‘contrata’ e banda of grupo, pa tene nan mes na e reglanan.

  • Nagico ta lanza su campaña pa asina bisa su clientenan ‘danki’

    Nagico ta lanza su campaña pa asina bisa su clientenan ‘danki’

    (ADVERTORIAL)

  • Empleadonan di Gabinete di Gobernador di Aruba a haci donacion

    Empleadonan di Gabinete di Gobernador di Aruba a haci donacion

    ORANJESTAD - Riba diabierna 20 di november 2020, Dia Internacional di Derecho di Mucha, e empleadonan di Gabinete di Gobernador di Aruba a haci un donacion na Fundacion Ban Uni Man Pa Cria Nos Muchanan. E fundacion aki, for di tres diferente cushina, ta prepara desayuno na scol pa mas di 630 alumno cu no por haya esaki for di cas.

  • Grupo di trahado di Postkantoor a protesta awe

    Grupo di trahado di Postkantoor a protesta awe

    ORANJESTAD – Un grupo di trahado di Post NV a protesta dialuna mainta debi cu tin keho den direccion di cierto hefenan, unda cu ta kehando di abuso verbal di e hefenan aki y cu e trahadornan no tin gana di soporta mas. Como tal a dicidi cu nan ta protesta, pasobra e trahadornan ta sinti cu nan derechonan ta wordo viola y abusa. E sindicato STA lo reuni diamars cu e gerencia pa atende cu e puntonan di preocupacion di e trahadonan cu ta malcontento. 

  • Encuesta: Abo lo tuma e vacuna pa COVID19 unabes disponibel?

    Encuesta: Abo lo tuma e vacuna pa COVID19 unabes disponibel?

    ORANJESTAD – Mientras cu Aruba ta parce di tin e virus di COVID19  bou di control atrobe, e siguiente parti ta pa ricibi e vacuna pa combati esaki. Aruba mescos cu tur otro pais na mundo, ta cera aña 2020 en espera di e vacuna contra e virus COVID19. Esaki mas sigur lo ta disponibel den prome parti di 2021, y esaki ta conta pa Aruba tambe. Den cuadro di esaki noticiacla.com ta presenta su proximo encuesta. Pa e encuesta aki, nos ta interesa pa sa kico bo ta pensa di un vacuna asina. Manera tur nos encuesta, esaki tambe ta anonimo, ta tuma 1 minuut di bo tempo, y su resultado ta pa uso puro noticioso. Masha danki pa bo participacion. Pa participa, click AKI.

  • Powered by SETAR