CDC ta alerta Mericanonan pa no biaha pa Thanksgiving

NEW YORK – Americanonan mester evita biahamento pa Thanksgiving, osea Dia di Gracia, e dia mas ‘sagrado’ pa Mericanonan despues di nan dia di independencia. Ta e Centro pa Control di Malesa (CDC) a haci e recomendacion di no biaha diahuebs, un siman prome cu e fecha en cuestion. Asina e portal NBC News ta raporta. E tabata un ultimo intento pa e agencia principal di salud Mericano pa trata di contene loke ta bira un otro evento grandi unda cu e cantidad di casonan di COVID19 por explota. Siman pasa tabatin 1 miyon caso nobo. Y cu e conglomeracion mas grandi di hende otro siman (mayoria di hende ta biaha e siman entrante) hunto, e chensnan ta casi un garantia cu lo tin problema. Mientras cu a haci e sugerencia pa no biaha, e no tabata un orden pa no biaha. Pa esnan cu ta biaha toch, a pidi nan pa haci esaki mas sigur posibel usando e reglanan estableci pa COVID19. Potret cortesia di Getty Images.