Crisis team: Casonan activo di COVID19 pa Aruba ta menos cu 80

ORANJESTAD - Segun resumen di awe, a registra 8 caso nobo di COVID19 di cual tur ta residente, ("positivity rate" awe ta 7 %). 11 persona mas a recupera.

Casonan activo pa awe ta na 79, total di testnan haci na airport y hospital hunto ta 256, testnan haci na laboratorio di hospital so ta 83, total di casonan di fayecimento relaciona cu Covid-19 ta na 45. 

Average di casonan pa dia abase semanal ta 8 caso, average di "positivity rate" pa dia abase semanal ta 10%

Hospital ta informa cu tin un total di 9 persona interna di cual 3 ta den Cuido Intensivo y 6 isola riba piso general.

Desde awe Aruba a wordo buta riba e lista geel, indicando cu nos ta un destinacion "safe" pa por biaha. Esaki ta un logro grandi cu no tawata posibel sin e esfuerso y disiplina di comunidad y e confiansa buta den e team di maneho di Crisis.