Hopi droga confisca riba 'Go Fast' cu a bolter zuid di Bonaire

KRALENDIJK -Awe mainta algu despues di 8 am melding a drenta ku un boto lo mester a boltu na altura di willemstoren y ku lo tin un homber den laman na altura di e boto. Mesora a despacha boto di douane y stinapa pa e sitio. Ora ku a yega na e boto ku a resulta di ta un go fast a reskata un homber ku tabata drif tene na e boto. E homber su situashon ta stabiel y ela bisa ku e 2 otro homber nan ku tabata huntu kune riba e boto lo a kai na laman ora e boto a boltu ku nan na mas o menos 250 meter for di kosta. Mesora a transporta e homber aspekto latino pa hospital. Mas despues ku tabata bezig na e go fast ku a boltu a bin enkontra 5 saku di pita yena ku bultonan di droga.

A konfiska tur esaki nan y entre tantu a laga detene e uniko tripulante di e lancha ku a enkontra. E dos otro nan no por a hanja nan niun kaminda.Outoridatnan lokal no ta deskarta nada y a start un investigashon grandi den e kaso aki. RST Y KMAR a tuma full e investigashon over. Pa loke notisia digital fm por a nota a konfiska sigur entre 80 pa 100 kilo di droga probablemente kokaina. OM no a bisa nada over di e kaso ainda. Investigashon ta den full swing. FUENTE Y FOTO AIMED AYUBI.