IBiSA a tuma e curso di ‘Standard First Aid & CPR’

ORANJESTAD - IBiSA a mira un necesidad pa update y alaves amplia e conocemento di su ekipo cu ta traha cu muchanan na scol y tambe durante evento deportivo of social. pa e motibo aki a haci uso di e oportunidad pa bin cu e curso di ‘Standard First Aid & CPR’ e curso aki a wordo duna pa profesionalnan di Cruz Cora. E curso tabata tin diferente modulo cu ta First Aid, CPR y AED unda a repasa esaki nan den diferente escenario pa asina nos por ta miho prepara, e curso tabata uno di 8 ora largo unda e personal di IBiSA a pasa den e parti teoretico y practica. 

Awe por bisa cu nos coordinador nan y instructor nan di deporte cu ta traha den diferente programa por duna e prome asistencia pa alivia of stabilisa e situacion mientras ambulance ta na caminda te unda esaki ta necesario. Management Team di IBiSA ta content cu e asistencia cu su personal di IBiSA y su instructornan a duna na e oportunidad brinda.