Crisis Team: Casonan activo di COVID19 na Aruba ta sigui baha

ORANJESTAD – Segun cifra di Crisis Team di COVID19, nos a yega bou di 90 casonan activo positivo di coronavirus pa Aruba. Mientrastanto segun resumen di awe  12 persona mas a recupera di COVID19, a keda registra un total di 8 caso nobo di Covid-19, di cual 1 ta no-residente, ("positivity rate" awe ta 10 %). 

CASONAN PA AWE

Casonan activo pa awe ta na 85, total di testnan haci na airport y hospital hunto ta 302, testnan haci na laboratorio di hospital so ta 70, total di casonan di fayecimento relaciona cu Covid-19 ta 44. 

POSITIVITY RATE

Average di casonan pa dia abase semanal ta 7 caso, average di "positivity rate" pa dia abase semanal ta 9%

HOSPITAL

Hospital ta informa cu tin un total di 10 persona interna di cual 3 ta den Cuido Intensivo y 7 isola riba piso general.