Minister Plasterk ta bishita Corsou y Isla Riba otro siman

DEN HAAG - Minister Plasterk (Binnenlandse Zaken en Koninkrijksrelaties) ta bishita e parti di Reino den Caribe. For di dialuna 19 januari te cu diaranson 21 januari e bishitanan lo tuma lugar. Riba dialuna e bishita di trabou di e mandatario ta cuminsa na St Maarten, unda cu entre oro e los sera conoci cu e gabinete recien instala, presidi pa premier Gumbs. Topiconan di combersacion lo ta entre otro integridad di gobierno, finanzas publico, y estado di derecho. Plasterk ta bishita parlamento di e isla tambe.

Riba diamars, e mandatario ta biaha pa St Eustatius y Saba. Riba ambos isla e ta papia cu e bestuurscolleges. Ademas e ta bishita (na Saba) un proyecto riba derecho di mucha, y na St Eustatius e ta bishita e centro pa hubentud y famia.

E mandatario ta biaha bek pa Hulanda diaranson via Corsou, unda cu e lo papia cu e gobernador interino Römer-Kenepa y premier Ivar Asjes. E mandatario no ta bishita Aruba na e occasion aki. No ta conoci ki tempo e lo haci esaki, aunke cu NoticiaCla.com a compronde cu esaki por ta comienso di otro luna, durante un conferencia di Reino cu tin cu tuma lugar na Aruba.