Aruba a logra yega bou di 90 caso activo positivo di COVID19

ORANJESTAD – Aruba a logra yega bou di 90 casonan activo di COVID19 dialuna, segun cifranan di Crisis Team. Segun resumen di awe  1 persona mas a recupera di COVID19, a keda registra un total di 6 caso nobo di Covid-19, di cual 2 ta no-residente, ("positivity rate" awe ta 17 %). 

Casonan activo pa awe ta na 89, total di testnan haci na airport y hospital hunto ta 385, testnan haci na laboratorio di hospital so ta 24, total di casonan di fayecimento relaciona cu Covid-19 ta 44. 

Averahe di casonan pa dia abase semanal ta 9 caso, averahe di "positivity rate" pa dia abase semanal ta 9%

HOSPITAL

Hospital ta informa cu tin un total di 10 persona interna di cual 3 ta den Cuido Intensivo y 7 isola riba piso general.