Lista di Kavels pa carnaval y kico pa haci awor

ORANJESTAD – E lista hopi solicita aworaki ta esun di e kavel pa carnaval. E lista a keda publica e dianan aki y NoticiaCla.com ta reproduci esaki tambe. Directie Infrastructuur en Planificatie (DIP) mes momento ta recorda tur persona cu nan nomber a sali pa un kavel di Carnaval cu e procedura lo sigui e fin di siman aki. Diasabra 17 di januari y diadomingo 18 di januari 2015 tur e personanan aki mester pasa personalmente na oficina di DIP na e edificio di Infrastructura na Sabana Blanco 68 pa scohe nan kavel y paga nan vergunning. Tur persona mester identifica su mes cu sea paspoort, rijbewijs of cedula valido.

E proceso ta bay na e siguiente manera:

Promer dia, diasabra, 17 di januari 2015, cuminzando for di 8.00 a.m. en punto.

1) tur buffetvergunning pa districto di Oranjestad.

2) number 1 te cu number 50.

3) pauze ± 1 ora.

4) number 51 te cu number 100.

Segundo dia, diadomingo, 18 di januari 2015, cuminzando di 8.00 a.m. en punto.

1) tur buffetvergunning pa districto di Noord y San Nicolas.

2) number 101 te cu cu e ultimo 150.

3) pauze ± 1 ora.

4) number 151 te cu ulitmo number.

E persona cu yega laat ta perde su turno y lo mester keda warda te despues cu yama e ultimo persona prome cu pauze of prome cu yama e prome persona despues di pauze of despues cu yama e ultimo persona pa e dia ey. Prijs pa kavel (vergunning) ta: Afl. 4,= pa stampia plus Afl. 25,= pa retributie y Afl. 135,= pa precario, segun e Retributie en Legesbesluit Directie Infrastructuur en Planning (AB 2004 no. 7), art. 1. Totaal Afl. 164,=. Por lesa Adhunto e listanan di nombernan pa kavel di Oranjestad aki, y esun di buffet ta aki.