Crisis Team: Aruba tin control riba transmision di COVID19

ORANJESTAD – Segun Crisis Team di COVID19 pa Aruba a bisa cu cifranan actual ta indica cu Aruba tin control riba transmision di COVID19 cu ta tumando lugar. Ademas, dentro di poco Aruba lo mester wordo cambia di “code “oranje pa geel indicando cu nos ta un destinacion sigur pa por biaha. Poco poco Aruba ta recupera su salud y economia atrobe. Segun resumen di awe  13 persona mas a recupera di COVID19, a keda registra un total di 3 caso nobo di COVID19, di cual 2 ta no-residente, ("positivity rate" diadomingo ta 4 %). 

REDUCCION CASO 

Aruba a logra reduci su casonan activo pa diadomingo na 83, total di testnan haci na airport y hospital hunto ta 418, testnan haci na laboratorio di hospital so ta 27, total di casonan di fayecimento relaciona cu COVID19 ta 44. 

AVERAGE

Average di casonan pa dia abase semanal ta 9 caso, average di "positivity rate" pa dia abase semanal ta 9%