WILLEMSTAD – Gobierno di Corsou a aumenta e orario di Toke de Queda y a anuncia cu entrante dialuna, esaki ta bira for di 9’or di anochi te 4’or y mei di marduga. Asina prome minister Eugene Rhuggenaath a bisa diadomingo durante un conferencia di prensa extraordinario riba COVID19. E cifranan a aumenta alarmantemente den e ultimo simannan, unda cu awor Corsou a yega te na 410 caso activo, y entre 30 pa 40 caso positivo pa dia. Como tal, e situacion a rekeri pa tuma medida mas severo riba e isla. Segun premier Rhuggenaath, parce cu ta entre ciudadanonan mes e contagio ta tuma lugar y no for di personanan cu ta bin di afo (bishitantenan). A sugeri pa traha for di cas si esaki ta permiti y evita sali riba caya si no ta necesario, aunke con fastioso esaki por ta.
MEDIDANAN ANUNCIACu un Toque de Queda anuncia pa 9’or di anochi, sr Rhuggenaath a bisa mesora tambe cu esaki ta nifica cu pa 8’or di anochi, tur establecimento na Corsou mester cera, cu excepcion di lugarnan crucial. Tambe e cantidad maximo di persona cu por ta den un establecimento ta di 50% y no mas cu 50 persona hunto. Tambe tapaboca (mondkapje) ta bira obligatorio pa tur persona riba 18 aña na e siguiente instancianan: Supermercado, Toko, Minimarket, Pakus, Panaderia, Botica, Hospital y clinicanan, Tienda di buki, hardware Stores, Transporte publico, barbero y kapsalon y agencia funeraria. Tapaboca den tur otro establecimento ta altamente recomendable tambe. Lo hiba un combersacion cu varios dunado di trabou relaciona cu esaki. No tin samenscholing di hende mas di 4 hende. Esaki ta conta tambe pa beach. Ta tumando evaluacion riba e parti di enseñansa.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.