Participa den e encuesta riba situacion di clapchi na Aruba

ORANJESTAD – Manera ta conoci, e siman aki noticiacla a lansa un encuesta cu e meta pa haya sa sentimento di nos usuarionan riba e maneho di clapchi na Aruba. Nos ta dilanti un otro temporada di fin di aña, unda cu tin e discusion atrobe si tiramento di clapchi ta bon of no, e cantidad di dia, y kico tur por of mester por. Aña pasa e portal aki a tene un encuesta cortico riba Facebook pa loke ta e fecha. Debi na e concepto limita, por a haci solamente un pregunta cu dos contesta. E biaha aki e portal aki ta amplia esaki. Nos ta conciente cu por amplia e encuesta aki aun mas, pero ta tene asina manera cu e ta. Mientastanto, por informa cu pa e aña aki, no tin cambio esta cu clapchi ta un hecho atrobe, aunke pa motibo di e impacto di COVID19, e por tin su efecto. Pa otro aña, ta interesante pa tende kico ABO ta pensa di kico e futuro di clapchi mester bira. Sea ta wante mescos, ta trece cierto cambio, of porta esun mas drastico, manera cu p.e. kier haci na Hulanda, esta elimina e practica aki completamente. Nos kier tende di ABO, den e encuesta anonimo aki. E resultado ta puro pa uso noticioso di noticiacla, manera semper.  No lubida di participa! Pa participa, click AKI