Anthony Irausquin nombra como proximo director di NV Elmar

ORANJESTAD – Elmar tin un director nobo entrante comienzo di aña 2021. Fuentenan cerca di e proceso di nombracion a confirma nombracion di sr Anthony Irausquin como e proximo director di e compania di utilidad. E ta reemplaza Albertico “Tico” Koolman cu actualmente ta director interino. Sr Irausquin actualmente ta funciona na Hospital Horacio Oduber como Facility Manager. Gerentenan anterior cu a tene e funcion aki ta e.o. Robert Henriquez, Nelo Loefstok, Freddy Rafini y Freddy Wever. Keda pendiente pa mas informacion.