Knops: No ta kere cu ayudo (pa e.o. loonsubsidie) lo termina pronto

Knops: No ta kere cu ayudo (pa e.o. loonsubsidie) lo termina pronto

Posted on 11/13/2020 2:40 pm AST | Updated on 11/13/2020 2:41 pm AST

DEN HAAG/ORANJESTAD – Hulanda no ta kere cu e ayudo financiero actual (manera p.e. loonsubsidie) lo termina pronto. Asina secretario di estado Hulandes Raymond Knops a contesta e pregunta di noticiacla diabierna mainta, ki tempo tin pensa di cuminsa para e ayudo aki (awor cu tin un acuerdo firma). E mandatario a bisa si tambe cu e decision specifico pa termina loonsubsidie ta un decision cu Aruba tin cu tuma. Pues  ta gabinete di Aruba ta dicidi. Esey ta mishi cu autonomia y mi no ta bay determina esaki” Knops a sigui bisa. Mester nota cu ta di e placa cu Hulanda a manda, gobierno a logra paga e.o. e loonsubsidie. Knops a compronde e formulacion di e pregunta si, y despues a sigui riba dje. 

AYUDO TA CONTINUA

Mientras cu Knops no a ‘contesta’ e pregunta specificamente, el a bisa si cu tanten cu Aruba cumpli cu su obligacionnan, Hulanda lo sigui sostene Aruba den forma di fianza. Cu esaki Knops kier men cu for di e fianzanan aki, Aruba por duna e asina yama loonsubsidie e ora. Claro cu nos ta bay wak si e ayudo financiero (cu Hulanda ta manda pa Aruba) ta bay pa sostene entradanan, si nan ta na nivel? Nos lo tene combersacion riba esey. Pero nos ta compronde tambe cu den un situacion asina cu e pais ta asina dependiente di turismo cu ta practicamente paraliza awor, cu bo no por spera cu e (ayudo financiero) ta termina lihe” Knops a bisa. E pregunta ta den cuadro di e preocupacion di gremio comercial cu ta boga pa e ayudo aki continua den 2021 y no termina na fin di e aña aki, manera tin e percepcion.

   

  • Hulanda a duna Aruba codigo geel atrobe!

    Hulanda a duna Aruba codigo geel atrobe!

    DEN HAAG - Apenas un dia despues di e debate den Tweede Kamer riba COVID-19, Hulanda a cambia e conseho di biahe pa Aruba na geel cu ta nifica cu Hulandesnan por biaha bek pa Aruba sin mucho problema. Anteriormente esaki tabata codigo oraño cu tabata nifica biahe esencial so y no pa placer. Pero e situacion di COVID19 ta di tal indole na Aruba cu e ta bou di control y cu ta hustifica e cambio. A cuestiona esaki recientemente ainda si mira cu Corsou cu su situacion di COVID19 a bira uno serio, ainda nan tabatin codigo geel y Aruba no. Minister Dangui Oduber a reclama Hulanda siman pasa ainda riba e tema. A compronde cu e cambio lo a bin otro siman, pero ya pa 4or diahuebs ora di Hulanda, e cambio a bin. 

  • TUI cla pa transporta turista Hulandes pa Aruba asina e codigo cambia

    TUI cla pa transporta turista Hulandes pa Aruba asina e codigo cambia

    SCHIPHOL – Basa riba un entrevista cu Noticiacla.com, e compania renombra di turista Touristik Union International (TUI) ta bisa di ta kere cu pronto por cuminsa bula cu turista di Hulanda pa Aruba. TUI ta basa nan decision riba e declaracion haci e siman aki di minister Dangui Oduber cu e ta spera cu Aruba otro siman por haya un conseho di biahe positivo atrobe (codigo geel). “Si ta asina, nos por cuminsa mesora” Arjan Kers, gerente di TUI a declara na e portal di aviacion ‘luchtvaartnieuws.nl’.  E islanan aki ta un destinacion popular durante winter, y ta relativamente facil pa yega debi na e reglanan ‘suave’ di biahe. “Si Aruba habri, nos por cuminsa bende pasashi bek dentro di dos pa tres dia” Kers a bisa. TUI ta e lider riba mercado Hulandes pa turista. TUI tin como bentaha cu nan tin nan propio hotelnan y tambe un aerolinea propio. Potret cortesia Antiliaans Dagblad. 

  • Conocido deportista di Aruba Austis Gibbs apunta como head coach di team di baseball Hulandes

    Conocido deportista di Aruba Austis Gibbs apunta como head coach di team di baseball Hulandes

    BUSSUM – E ekipo Hulandes HCAW a apunta e yiu di Corsou cu a lanta na Aruba, Austis Gibbs (56) como headcoach di ekipo. E ta sigui De Flanegin cu tabata na cabez di e ekipo ultimo dos temporada. Fuera di Gibbs, e resto di e ekipo di  coaching lo consisti di  Roy Berrevoets (Assistent Coach) y Shane Gnade (Pitching Coach). Riba su pagina di Facebook, Gibbs a gradici e ekipo pa e posibilidad aki.  

  • Por compronde di Knops cu tanten no ‘overhaul’ e sistema di salario, ‘cortamento di salario’ ta sigui ‘tot nader order’

    Por compronde di Knops cu tanten no ‘overhaul’ e sistema di salario, ‘cortamento di salario’ ta sigui ‘tot nader order’

    DEN HAAG/ORANJESTAD – E mensahe tabata hopi cla for di Hulanda awe diabierna: Mientras cu e no a duna un fecha of indicacion concreto di ki dia lo ‘para’ e exigencia impone di reduccion di salario di ambtenaar na Aruba cu entre 5 pa 12% (incluyendo minister y parlamentario), secretario di estado Raymond Knops a bisa diabierna mainta durante su conferencia di prensa, cu cosnan no por keda manera nan ta y cu mester haci un evaluacion y cambio den e sistema salarial prome. Asina e mandatario Hulandes a reacciona riba un pregunta di prensa, di ki tempo e ‘tot nader order’ riba e acto aki ta ‘cancela’. 

  • Aruba y Hulanda a firma acuerdo!

    Aruba y Hulanda a firma acuerdo!

    DEN HAAG- Despues di 5 luna cu Hulanda a propone na Aruba un pakete inicial di ayudo, diabierna mainta durante un conferencia di prensa, tanto Aruba y Hulanda a firma respectivamente, despues cu RMR (Rijks Minister Raad) a aproba e acuerdo entre e dos paisnan. E acuerdo ta locual ta trata e di tercer tranche di sosten di likides pa aña 2020. Den e acuerdo aki ta realiza compromisonan pa un cooperacion di varios aña entre e dos paisnan, a base boluntario, pero no sin obligacion.

  • RMR a aproba e acuerdo entre gobiernonan di Aruba y Hulanda

    RMR a aproba e acuerdo entre gobiernonan di Aruba y Hulanda

    DEN HAAG - Rijks Minister Raad a aproba e acuerdo entre gobierno di Aruba y Hulanda. Asina secretario di estado Hulandes Raymond Knops a confirma durante un conferecia di prensa diabierna mainta. Esaki ta nifica cu Aruba ta ricibi awor un suma di 209 miyon florin di ayudo. Pero e trabou ta bay cuminsa awor, segun e mandatario Hulandes. Awor e trayecto tey cuminsa pa prepara y concretisa e acuerdo. 

  • Powered by SETAR