Aruba y Hulanda a firma acuerdo!

Aruba y Hulanda a firma acuerdo!

Posted on 11/13/2020 10:24 am AST | Updated on 11/13/2020 10:24 am AST

DEN HAAG- Despues di 5 luna cu Hulanda a propone na Aruba un pakete inicial di ayudo, diabierna mainta durante un conferencia di prensa, tanto Aruba y Hulanda a firma respectivamente, despues cu RMR (Rijks Minister Raad) a aproba e acuerdo entre e dos paisnan. E acuerdo ta locual ta trata e di tercer tranche di sosten di likides pa aña 2020. Den e acuerdo aki ta realiza compromisonan pa un cooperacion di varios aña entre e dos paisnan, a base boluntario, pero no sin obligacion.

AYUDO A CAMBIO DI REFORMA 

A cambio di reformanan na Aruba, e Gabinete Hulandes ta ofrece sosten di likidez nobo y lo inverti tambe den varios area di desaroyo di Aruba. Hulanda lo brinda Aruba sosten riba e reformanan structural cu a wordo acorda. Ademas di sigui cu e sosten di likidez pa cubri e deficit cu a surgi a raiz di e crisis di Corona, Hulanda lo yuda tambe cu conocemento y experticio. Pa esaki ta institui e organo Caribisch Orgaan voor Herstel en Ontwikkeling (COHO) cu hunto cu e ministerionan di Aruba y den consulta cu stakeholders, lo caba di traha riba e reformanan. E organo aki lo yuda tambe cu e implementacion. COHO no lo asumi e autoridad di Parlamento, Gobierno y ningun organo gubernamental; den e negociacion hiba esaki a wordo enfaticamente acorda y specifica den e acuerdo. Sinembargo, COHO por supervisa e implementacion di e reformanan structural y por mara consecuencia na cooperacion insuficiente.

SOSTEN DI LIKIDEZ

Cu e acuerdo aki, Hulanda ta duna Aruba e sosten di likidez di 209 miyon florin (105 miyon Euro) te cu fin di e aña aki. Hulanda lo yuda Aruba tambe cu e refinanciamento di mas cu mey biyon florin di debe. Esaki ta duna bentaha di interes di mas cu 80 miyon florin (40 miyon Euro) den comparacion cu financiamento riba e mercado financiero.

Banda di esaki te cu aña 2025, lo bin un suma total di 17.9 miyon Euro disponibel pa fortalece Aruba su estado di derecho.

Prome Minister Evelyn Wever-Croes: 

“Cu e acuerdo politico aki ta cuminsa un etapa nobo pa Aruba. Covid-19 tabata tin un impacto hopi grandi riba Aruba, asina grandi cu sin ayudo Aruba no lo sali afo. Aruba mester di yudanza pa esaki, no solamente pa e sosten di likidez, pero tambe pa e reformanan pa crea un fundeshi economico fuerte y resiliente cu por wanta shocknan den futuro. Aruba ta agradecido na Hulanda y ta aprecia e ayudo brinda. Hunto nos lo traha pa un economia mas fuerte, un autonomia mas fuerte pa un Aruba mas fuerte”. 

Secretario di Estado Raymond Knops: 

“Cu e acuerdo politico aki, ta traha riba e reformanan structural necesario cu mester haci e economia y comunidad di Aruba mas resistente di forma duradero. Banda di reformanan tin tambe espacio pa inversion riba e isla. Aruba mester sali mas fuerte for di e crisis aki, pasobra e hendenan na Aruba merece un perspectiva social y economico. E acuerdo politico aki ta un paso importante den esey. Pero cu e acuerdo aki e trayecto no a finaliza. Riba un cantidad di tereno, manera reforma di pensioen pa minister- y miembronan di Parlamento, riba termino cortico Aruba lo tin cu tuma pasonan ainda pa por bin na remarke pa mas parti di e sosten di likidez. Mester ehecuta e reformanan inclui den e pakete pa pais di berdad tambe. E ora ey so prosperidad ta vislumbra na horizonte pa e ciudadanonan Arubano. Esaki ta exigi sinembargo esfuerzo continuo di tur partido na Aruba.”

 

 

 

 

  • RIVM: Aruba awor tin e cantidad mas halto di contagio nobo di Covid den Caribe Hulandes

    RIVM: Aruba awor tin e cantidad mas halto di contagio nobo di Covid den Caribe Hulandes

    AMSTERDAM /ORANJESTAD – Relaciona cu e otro islanan di Caribe Hulandes, Aruba tin e cantidad di raportahe mas halto di contagio di Covid19 segun cifranan di siman pasa. Asina e rapport di Rijks Instituut Volksgezondheid & Milieu a informa den nan rapport semanal di e siman aki.  Nan ta basa nan mes riba informacion suministra di Aruba mes, unda cu segun e raportahe, siman pasa 98 persona per 100 mil habitante a test positivo. Compara cu e otro islanan, esaki ta pone Aruba como esun mas halto.

  • RIVM: E persona na Aruba cu variante di Covid19 di India no tabatin historial di biahe

    RIVM: E persona na Aruba cu variante di Covid19 di India no tabatin historial di biahe

    AMSTERDAM – E prome caso di variante di Covid19 di India registra na Aruba, ni su contactonan directo, no tin historial di biahe. Asina Rijks Instituut Volksgezondheid & Millieu (RIVM) a rapporta segun su rapport semanal fecha 4 di mei 2021. Esaki ta haci e caso ‘interesante’ pasobra e persona no a biaha pa haye, pues ta aki na Aruba el a pega cu ne. Esaki tambe no ta descarta cu tin mas hende cu e variante, ya cu a dectecta esaki via di un monster (prueba).

  • Ministerio Publico a exigi 6 luna di prizon pa ex politico Hero Brinkman

    Ministerio Publico a exigi 6 luna di prizon pa ex politico Hero Brinkman

    AMSTERDAM – Ministerio Publico na Hulanda a exigi 6 luna di castigo di prizon pa ex politico y polis Hero Brinkman. E ex miembro di Tweede Kamer tabata sospechoso di a lek informacion confidencial di polis. Na 2016 y 2017 e ex politico lo a lek informacion na un periodista di De Telegraaf. E corant a usa e informacion pa publica 6 articulo, entre otro riba terorismo. Segun OM, no por ta otro cu ta Brinkman cu a lek e info. E motibo ta e rabia cu Brinkman tabatin riba polis. Despues di su carera politico el a bolbe den cuerpo unda constantemente e cuerpo lo a strob’e. Brinkman mes ta nenga tur acusacion. Dia 14 di mei corte ta dicta sentencia. Den pasado Brinkman tabata hopi critico riba e islanan ABC y tabata lansa atakenan fuerte constantemente ora cu e tabata miembro di Tweede Kamer pa partido PVV. 

  • Willink: Mayoria partido dispuesto pa forma gobierno cu Mark Rutte

    Willink: Mayoria partido dispuesto pa forma gobierno cu Mark Rutte

    DEN HAAG – Aunke esey no ta e punto mas importante awor, mayoria partido politico Hulandes ta dispuesto pa traha cu actual premier demisionario Mark Rutte. Asina informador Tjeenk WIllink a bisa diabierna den su relato como informador na Tweede Kamer. Contrario cu cerca nos, na Hulanda ta Tweede Kamer ta atende cu e formacion di gobierno enbez di Rey, manera cu tabata sosode antes. Cu e raportahe aki, e trabou di e informador ta cla y pa 12 di mei, ta premira cu lo nombra un formador cu tin cu sondea e posibilidadnan pa forma un gabinete nobo despues cu Hulanda a bay eleccion dia 17 di maart ultimo. 

  • RIVM: Variante Britanico ta sigui domina na Aruba cu 80%

    RIVM: Variante Britanico ta sigui domina na Aruba cu 80%

    DEN HAAG – E variante Britanico di e virus Covid19 ta sigui domina na Aruba segun e rapport di e siman aki di Rijks Instituut voor Volksgezondheid en Milleu (RIVM) e siman aki. E instancia aki ta mustra cu te cu siman pasa, 80% di e casonan di contagio tabata consecuencia di e variante ey. Den henter Caribe Hulandes, segun RIVM, ta practicamente e variante so ta presente. Cada isla tin un cantidad diferente, unda cu Bonaire tin 100% di su casonan ta e variante ey, sigui pa Corsou cu ta na 96.8%. Aruba tin e cantidad mas abou cu 80%. 

  • Rey Willem Alexander a celebra su cumpleaƱos na Eindhoven

    Rey Willem Alexander a celebra su cumpleaƱos na Eindhoven

    EINDHOVEN – E pareha Real, Rey Willem Alexander, su casa Reina Maxima y su tres yiunan, Amalia, Alexia y Ariane a yega Eindhoven diamars mainta pa cu ceremonia relaciona cu e Dia di Rey, celebrando asina e cumpleaños di e Rey. A mira e Rey y su yiu Amalia yega e High Tech Campus den un DAF-kini, y despues e alcalde di e cuidad,  Jorritsma a yama nan bonbini. Tambe e Rey a papia cu un ciudadanono via un coneccion di v video  den e asina yama ‘selfiestraat’. Tambe nan a participa den un presentacion televise special unda cu Brainport Eindhoven a presenta su mes a base di e tema KennisMaken. 

  • Powered by SETAR