Despues di caso sumario, awor Guus Hiddink por bira coach na Corsou

WILLEMSTAD – Despues di un situacion tumultoso den mundo di futbol na Corsou, e caminda ta liber pa Corsou introduci e entrenador Hulandes Guus Hiddink como e proximo entrenador di e seleccion nacional di futbol di e isla. Esaki despues cu partidonan a yega na un acuerdo durante un caso den corte diahuebs mainta. E caso sumario tabata entrega pa e awor e entrenador Remko Bicentini cu no a gusta loke a sosode ora cu e mester a tende via prensa cu e no ta e bay ta e coach mas. E caso a tuma lugar awe mainta pero huez no mester a dicta sentencia ya cu partidonan entre nan a yega na un areglo. Esey tabata si, riba insistencia di e huez. 

E CASO

E caso tabata entre e asosacion di futbol di Corsou FFK y Bicentini. FFK tabata kier pa Bicentini revoca un carta cu el a traha pa Coaches Betaald Voetbal (CBV) pa no afecta e codico di honor di CBV. Esey tabata un punto importante pa e coach nobo, Hiddink. Bicentini no kier a haci esey, pero na final partidonan a regla e asunto, aunke no kier a bay den detaye. Tanto Bicentini como FFK tabata contento cu e resultado y cu a pone un punto tras di e discusion aki. Potret cortesia ANP.