Casonan activo di COVID19 na Aruba a baha bou di 100

ORANJESTAD – Aruba a logra yega e cifra di bou di 100 caso activo di COVID19 durante e di 2 ola cu a inicia na augustus 2020.  Segun resumen di awe 78 persona mas a recupera di covid-19, a keda registra un total di 8 caso nobo, di cual 3 ta no-residente, ("positivity rate" awe ta 6 %). 

CANTIDAD DI TEST

Aruba a logra reduci su casonan activo pa awe na 99, total di testnan haci na airport y hospital hunto ta 337, testnan haci na laboratorio di hospital so ta 120, total di casonan di fayecimento relaciona cu Covid-19 ta na 43. Average di casonan pa dia abase semanal ta 11 caso, average di "positivity rate" pa dia abase semanal ta 13%

HOSPITAL

Hospital ta informa cu tin un total di 6 persona interna di cual 2 ta den Cuido Intensivo y 4 isola riba piso general.