Corte a dicta: Doño di trabou no por stop salario di trahado debi na pandemia

ORANJESTAD – Un compania cu inicialmente a para pago pa un trahado den forma unilateralmente citando efecto di e pandemia di COVID19, mester sigui paga e trahado aki te proximo aviso. Asina un huez a dicta e siman aki pa un trahado na Aruba. Segun e huez, e doño di trabou no a maneha e situacion bon, y pa falta di informacion y con a haci esaki, no ta dune derecho pa actua manera cu e la haci. Entre nan e ‘ponencia’ cu e trahado no tin derecho riba pago pa e tempo cu e no a traha. Contrario na pensamento di e doño di trabou, -  cu ta tira falta riba e pandemia-, esaki ta cay pa risico y cuenta di e doño di trabou, por lo menos te ora cu e trahado por haya pagonan di entre otro un subsidio salarial y di gasto manera prescribi anteriormente relaciona cu e acuerdo salarial acorda entre e partidonan.  Den bista di Corte, bou di e circumstancianan ey, e doño di trabou no por uza e regla cardinal laboral di ‘no work no pay’.  Esaki pasobra Corte ta sigui e trahado su posicion di pago di e diferencia entre su salario acorda cu e doño di trabou hunto cu e beneficio di FASE, cu ta significativo, esta di 1750 florin bruto, aunke ta poco probable cu e doño di trabou lo bati bancarota si e sigui paga e salario acorda (en gran parti subsidia) di e trahado. 

SENTENCIA

Huez a sentencia e doño di trabou pa e motibonan menciona e.o., cu tanten no tin un sentencia diferente den un caso di profundidad (bodemprocedure), e salario di e trahado wordo paga manera acorda y esaki mester ta desde augustus 2020, tanten e doño di trabou pa motibo di e pandemia, sigui haya e subsidio di gobierno manera describi den e acuerdo, te ora cu partidonan por disolve e contracto di un forma legal. Y mester paga esaki cu un adicional interes legal di 15%. Ademas e doño di trabou mester carga gastonan di e caso. Por lesa e sentencia completo AKI.