Andre de Cuba a bira e di 5 morto di trafico pa Aruba pa 2020

ORANJESTAD – E ciudadano Andre de Cuba (61) a bira e di   5 morto den trafico. Awe mainta polis a identifica e victima cu algun ora pasa (manera e portal aki a raporta caba) a accidenta mortalmente. A haci esaki mainta pasobra anochi e identidad no tabata conoci ainda.

KICO A PASA

Tabata diaranzon anochi pa 11.01 cu central di polis a wordo notifica di un accidente basta serio ariba caminda grandi di Oranjestad pa San Nicolas na altura di ex Club Caribe (Camarcuri). Na yegada di patruya, a pidi ambulance cu urgencia mirando e gravedad di e chauffeur di e Suzuki Baleno , cu door di e impacto, tabata tira ariba caminda. A pidi specialista di trafico , polis tecnico y tambe slachtofferhulp. 

Pa 11.50 dokter Texier a constata morto di e victima masculino di e Suzuki Baleno. E caso ta bao investigacion. Noticiacla ta manda palabra di condolencia na famia di e fayecido. Potret cortesia Cuerpo policial di Aruba.