Corsou tin por lo menos 23 partido interesa pa bay eleccion na 2021

WILLEMSTAD – Corsou ta parce di por tin por lo menos 20 pa 23 partido politico participando na e proximo eleccion pa Parlamento di Corsou na maart 2021. Popularmente ta wordo bisa cu e cantidad por te hasta yega 25. Mester tene na cuenta cu tin por lo menos 6 partido cu a presenta nan mes como partido nobo, di e 16 nan cu ta nombra pero cu mester bay un ‘pre eleccion’. Entre e 16 nan aki tin algun cu a yega di bay eleccion caba, manera Democraat y tin cu a haci mencion di kier bay, pero no a confirma ainda pero cu si ta ‘existi’. Tin un total di 7 partido cu no mester bay pre eleccion pasobra nan ta sea activo den parlamento of gobierno. Pues, Corsou ta bay tin un periodo hopi activo riba e tereno aki otro aña. Si enberdad tur e 23 partidonan aki ta materializa pa bay eleccion, no ta conoci.