Vroegop: Aki dos aña hospital Horacio Oduber mester ta renoba

ORANJESTAD – E intencion ta pa aki dos aña nos hospital ta completamente renoba y expande. Asina e director nobo di dr Horacio Oduber Hospital Jacco Vroegop a bisa noticiacla diaranzon durante un conferencia di prensa. Loke ta haci e situacion dificil ta cu no por cera e hospital manera p.e. un hotel, pa por completa e trabou. Tur dia tin cu deal cu pashent, hende y ainda rond di dje mester sigui construi y renoba. “Y nos no sa cuanto pashent lo drenta mayan” Vroegop a sigui bisa, COVID19, e candela y e hacking no tabata den e plan y a tarda e proyecto cu tin dos aña di retraso. “Si bin un di tres ola di COVID19, e periodo di construccion un biaha mas lo keda atrasa, ya cu mester para esaki, pasobra pashentnan di COVID19 tin ‘prioridad’ riba tur cos, segun e director nobo.