United Airlines ta aumenta frecuencia pa Aruba entrante December 2020

NEW YORK – E aerolinea Mericano United ta aumenta e frecuencia pa Aruba na December 2020 awor. Asina e portal streetinsider.com ta raporta. Na December, United ta bula 43% di su schedule internacional compara cu 2019 debi na COVID19. E aerolinea a mira un aumento den demanda internacional y como tal Aruba ta haya mas buelo. No ta conoci si cuanto buelo specifico, pero ta papia di un total di 84 ruta adicional pa 33 destinacion pa Latino America incluyendo Liberia, Cancun, Aruba, Nassau y Punta Cana. Esaki sigur ta bon noticia pa Aruba. Potret cortesia wikimedia commons.