Atraco arma riba famia na un cas na Rooi Kochi

ORANJESTAD - Algun homber a tira atraco riba un famia na un cas na Rooi Kochi. Segun vocero di polis Lito Laclè, pa 22.17 Central di polis a haya un jamada cu un atraco a tuma lugar na un cas na Rooi Kochi. Na yegada di patruya e victima ta splica cu 7 persona masculino di cual a scucha cu un paar di nan ta papia spaño lo mester a drenta su cas, cu arma di candela den man ( pistool). For di den e cas nan lo bay cu varios articulo y alcohol. E atracadonan a huy despues den un Chevrolet Aveo numera A-63461. Un rato despues patruya a bin topa cu e Chevrolet cu dos persona aden na altura di rotonde Paradera. Ta start un persecucion y na dado momento den Sero Patrishi e atracadonan ta disidi di para e auto y sali na careda y drenta den e mondinan di Sero Patrishi/ Modansa. Mientras tanto Atracoteam y BFTO a presenta na e cas na Rooi Kochi y tuma e investigacion over, tambe departamento di slachtofferhulp. Cuerpo Policial ta pidi pa es cu a wak algo of sa algo jama tiplijn di polis cu ta 11141.