Wever: Aruba su autonomia ta garantiza pa ley den COHO

ORANJESTAD – Aruba tin un version nobo di e acuerdo cu mester firma proximamente cu Hulanda. Entre e cambionan, mescos cu Corsou, a cambia e CHE (Caribisch Hervormings Entiteit) , pa COHO (Caribish Orgaan voor Hervorming en Ontwikkeling of Caribisch hervormings- en ontwikkelingsorgaan ). Compara cu anteriormente tabatin cambionan den e ‘toelichting’ osea ‘splicacion’ awor nan ta bin bin ancra den un ley.

CAMBIONAN

Entre nan e cambionan ta cu e asina yama uitvoerings agenda, e prioridad den e ehecucion di e landspakket, ta den man di e premier di e pais y e entidad. “Pues no ta e entidad ta bay dicidi, sino den conhunto” Wever a bisa. Tambe tin cu tin un acuerdo di evaluacion di e funcionamento di e entidad, y esaki ta den 3 aña cu e entidad ta existi. Lo bay traha un comision pa evalua y recomenda con pa sigui. Den e comision tin prome minister di e pais, hunto cu un miembro mas di e pais, y e di tres miembro ta di Hulanda. Y lo duna evaluacion si mester evalua e rumbo. 

ARTICULO APART

E di tres cambio grandi ta tin un articulo separa specifico cu ta trata e autonomia di e pais. Den e ley awor, ta bin para cu e ehecucion di e tareanan di e organo no por mishi cu e autoridadnan di e pais, pues Parlamento of Gobierno. Cu esaki e organo no por bin dicidi cua proyecto si y cua no por bin. Claro cu ta yega na un areglo cu otro, cu ta bay traha hunto riba ehecucion di e proyectonan cu ta importante pa lanta economia di e pais. “E ta garantiza e autonomia di e pais” Wever ta bisa. 

ALGO ACERCA 

En bista cu e situacion di frontera, ta bay fortifica e control di frontera door di bin cu un ‘structureel beschikbaar stellen’ di hende y ekipo cu ta wordo poni disponibel door di Hulanda su aduana y koninklijke marechausee, pa por yega na Warda Costa 24/7 .Esaki ta bin acerca.