IBiSA a bishita gymnan local relaciona cu protocol di DVG

IBiSA a bishita gymnan local relaciona cu protocol di DVG

Posted on 11/9/2020 3:12 pm AST | Updated on 11/9/2020 3:13 pm AST

ORANJESTAD - IBiSA su departamento di Deporte y Recreacion den luna october a sinta cu e ‘taskforce’ di comercio y den e reunion a sugeri pa pasa tur e gymnan cu intencion di esaki ta pa re-informa y asisti cu e guia necesario segun e protocol stipula pa DVG den e area deportivo y recreacional.

IBiSA no ta e instancia cu ta laga sera e localidad pero si ta busca e colaboracion di tur esnan involucra pa sigui ofrece nan servicio segun protocol . Pa e motivo aki ta pidi tur cooperacion durante momento di bishita cu e team di IBiSA ta den e gym.

Pa keda actualiza cu cualquier cambio like nan pagina nan social Facebook y Instagram, tambe por yama 582497.

  • IBiSA a tuma e curso di ‘Standard First Aid & CPR’

    IBiSA a tuma e curso di ‘Standard First Aid & CPR’

    ORANJESTAD - IBiSA a mira un necesidad pa update y alaves amplia e conocemento di su ekipo cu ta traha cu muchanan na scol y tambe durante evento deportivo of social. pa e motibo aki a haci uso di e oportunidad pa bin cu e curso di ‘Standard First Aid & CPR’ e curso aki a wordo duna pa profesionalnan di Cruz Cora. E curso tabata tin diferente modulo cu ta First Aid, CPR y AED unda a repasa esaki nan den diferente escenario pa asina nos por ta miho prepara, e curso tabata uno di 8 ora largo unda e personal di IBiSA a pasa den e parti teoretico y practica. 

  • Forbes: Lionel Messi kier bandona FC Barcelona mesora

    Forbes: Lionel Messi kier bandona FC Barcelona mesora

    BARCELONA – E astro di futbol professional Lionel Messi, a informa su club FB Barcelona cu e kier bandona e club. Asina e portal Forbes ta cita TyCSports. Segun e raportahe, Messi a manda su club un fax for di Argentina diamars atardi. E lo kier utilisa un clausula den su contract cu ta lague termina esaki despues di cada temporada, sexun informacion exclusivo raporta. Si e logra, e lo bira un agente liber mesora. Cu esaki e lo termina un relacion di 20 aña cu e ekipo. Siman pasa diahuebs, e la topa cu e di tres entrenador di e ekipo, desde januari ultimo (Ronald Koeman) unda cu e lo a bisa cu e ta wak su futuro mas ‘pafo di e ekipo’. 

  • Guus Hiddink a spanta di e ‘rebuelto’ na Corsou pa cu Bicentini

    Guus Hiddink a spanta di e ‘rebuelto’ na Corsou pa cu Bicentini

    AMSTERDAM – Guus Hiddink, e supuesto entrenador nobo pa Corsou su seleccion di futbol nacional, a spanta di e loke ta pasando na Corsou. Segun e portal NOS, Hiddink lo firma su contracto solamente ora cu tur asunto keda ‘regla netchi’. Diabierna a bira conoci cu Hiddink (73) lo bira e entrenador nobo. Pero un dia despues, e actual entrenador Remko Bicentini, a reacciona furioso. Esey a spanta Hiddink parce. Y ta parce cu e conferencia di prensa di FFK diadomingo, lo no a cambia e situacion. “Mi no a firma ainda. Y mi no ta bay haci esey tampoco te ora cu tur cos ta netchi regla” Hiddink a declara na e portal de Telegraaf”, Hiddink a bisa. Segun Hiddink, e lo a compronde cu e directiva di Corsou lo a yega na un acuerdo netchi cu Bicentini. “Ora cu mi tende e rumornan, mi tin cu conclui cu esaki no ta cuadra”. Tanten cu e situacion ta asina, e ta stop negosacion. Si cos no wordo bon regla, Hiddink a bisa di lo no participa mas.  

  • Aruba ta den grupo B di preclasificacion Concacaf pa Qatar 2022 di Futbol

    Aruba ta den grupo B di preclasificacion Concacaf pa Qatar 2022 di Futbol

    ZURICH – Aruba a cay den grupo B di e preclasificacion di e ronda di Concacaf valido pa Mundial di Futbol 2022 di Qatar. Diaranson na e cede di FIFA na Zurich, a haci e presentacion di e 6 gruponan, unda cu Aruba a sali den grupo B, hunto cu Bermuda, Canada, Cayman Islands y Surnam. Aruba tin cu hunga su prome wega dia 13 di October contra Bermuda sigui pa Surnam dia 20 di October, Cayman Islands riba 11 di November y 14 di November contra Canada. 

  • Ronald Koeman a bira e entrenador nobo di FC Barcelona

    Ronald Koeman a bira e entrenador nobo di FC Barcelona

    BARCELONA - Ronald Koeman (57) a bira e entrenador nobo pa FC Barcelona. E Hulandes te na ultimo tabata entrenador di e seleccion nacional di futbol Hulandes, pero awor a firma un contracto diaranson atardi ora di Barcelona pa 2 temporada. Den su contract cu Hulanda, e tabatin un clausula cu si e chens presenta, e por kibra e contract y bay Barcelona, cu tabata semper un soño di dje.  “E ta un dia alegre, uno pa ta hopi orguyoso. Barcelona ta mi cas” Koeman a bisa. A presenta e Hulandes 6’or di diaranson atardi na Camp Nou, cu ta e stadion official di e ekipo. E ta haya e funcion despues cu a despidi di e ultimo entrenador ora cu e ekipo a sufri di un derota di 8-2 contra Bayern München. E ta bira e di 5 entrenador Hulandes den historia di e club. Otronan cu a bin prome cu ne ta e.o. Rinus Michels, Johan Cruijff, Louis van Gaal y Frank Rijkaard. Na Aruba e ekipo tin un interes grandi y un grupo grandi di fanatico cu ta gusta sigui e weganan clasico p.e. cu Real Madrid. 

  • Legendario tenista Eddy Ras a bay sosega

    Legendario tenista Eddy Ras a bay sosega

    ORANJESTAD - Conocido legendario deportista, particularmente den deporte di tennis di Aruba Eddy Ras a bay sosega diasabra. E tabata pa hopi, nan instructor y a laga hopi historia local atras. Consecuentemente durante curso di dia, centenares di persona a recorda nan propio momento di historia cu Ras, sea cu palabra of y cu potret. Ras tabata un deportista profesional di tenis pero tambe di mas deporte. Tabatin hopi torneo na su nomber y e la representa Aruba hopi biaha den exterior. Noticiacla.com ta manda palabra di condolencia na famianan di Eddy Ras.  Potret cortesia 297 Sport. 

  • Powered by SETAR