Crisisteam: Manteniendo na e protocolnan, deporte por cuminsa diasabra awor

ORANJESTAD -  Crisis team a anuncia diabierna atardi cu si tur hende mantene nan mes na protocol, deporte na Aruba por cuminsa bek atrobe entrante diasabra 7 di November 2020. Teniendo na cuenta e situacion actual di covid-19 na Aruba, unda ta señala cu e e virus ta transmitiendo su mes na un forma pasivo. Crisis Team ta di opinion cu na e momento aki e risico di contagio ta chikito pa cual motibo a tuma e decision pa autoriza cu deporte por cuminsa tuma lugar cumpliendo cu protocolnan existente.

Teniendo na cuenta tambe cu deporte ta esencial pa e salud no solamente fisico pero tambe mental ta importante pa esaki por cuminsa mas pronto posibel.

Mas cu claro mester sigui traha riba mantene e transmision di COVID19 abou pa cual motibo mester sigui cumpli cu tur protocol existente. E protocol di deporte specifico ta riba e website www.arubacovid19.org. Ta invita tur organisacion di deporte pa informa nan mes riba esaki. 

E condicionnan stipula pa crisis team pa evita aglomeracion y risico di transmision mirando cu competencia y torneo semper ta trese cu ne hopi animacion, cantamento y gritamento ta cu torneonan no por tin publico presente na e momento aki ainda.