Joe Biden hopi cerca di kita e presidencia di Donald Trump

WASHINGTON – E candidato presidencial Joe Biden ta hopi cerca di kita e presidencia di Donald Tromp. Esaki den sentido cu Trump lo no por sigui como presidente y tin cu entrega esaki awor na Biden, manera cu conteo ta mustra aworaki. Mientras cu mundo ta warda ansiosamente ken ta bira e proximo presidente Mericano, e candidato Joe Biden a logra yega hopi mas cerca diabierna, ora cu e la tuma e liderazgo den conteo di voto den e dos estadonan Pennsylvania y Georgia. Cu Pennsylvania so, e lo tin suficiente pa gana e eleccion, mientras cu si e gana Georgia, e ta un voto leu di e victoria. Te cu merdia, Biden tabatin 264 di e 270 voto necesario y Donald Trump tabata riba un distante 214 voto. Trump su campaña tabatin speranza di por a sigura e victoria cu estadonan manera Pennsylvania, Georgia, North Carolina y Alaska. Pero cos no ta bayendo den su fabor. Mientrastanto den un ultimo intento, Trump a papia diahuebs anochi riba television pero dado momento canalnan grandi di television a corta esaki debi cu segun nan, Trump tabata manipula informacion y cu nan no tabata considera corecto. E plataforma di Twitter mientrastanto ta alertando tur usuario cada bez cu Trump informa algo incorecto. Ta premira cu pa diabierna atardi, lo mester sa ken ta e proximo presidente di Merca.