Roland Croes: Pakico a cancela servicio di PPV pa festival di Caiso y Soca Festival

ORANJESTAD – Motibo cu e aña aki no tin e acostumbrado servicio (PPV) Pay Per View pa e festival di Caiso y Soca festival ta pasobra e ta stroba e atendencia den e localidad di e evento. Asina director di Setar, Roland Croes a splica awe na NoticiaCla.com. E servicio mes, a genera entrada pa e compania nacional di telecomunicacion, pues tabata algo comercialmente positivo, pues no tabata e motibo pa cual a cancela e servicio aki.

Segun Croes, ta riba peticion di e asociacion mes di MUSICA, cu a mustra cu tin e indicacion segun cifra, cu ora cu transmiti e festival via PPV, tin menos hende cu ta acudi personalmente na e festival. Y como tal a dicidi di ‘acomoda’ e peticion di MUSICA y evalua despues con por cambia esaki y si mester bin bek cu e servicio aki. Croes a mustra cu pa por produci un transmision asina, ta rekeri hopi esfuerso y trabou, y ora cu ofrece un servicio asina, e cliente ta exigi calidad. Y como tal mester por haci esaki.