SETAR ta anuncia su campaña di fin di aña: “Danki pa ta Nos Cliente!”

(ADVERTORIAL)

ORANJESTAD - Pa e temporada di fin di aña cuminsando 5 di November 2020 te cu 31 di December 2020, SETAR ta introduci su campaña di fin di aña cu e tema “Danki pa ta Nos Cliente!”.

Tur clientenan cu cumpra un producto of cera un servicio nobo of renoba un servicio durante e periodo aki lo participa den nos campaña di Scratch & Win, unda cu por gana varios premionan atractivo instantaneamente manera gift cards, gadgets, baskets, premionan cash y hopi mas. 

Tambe nos tin nos promocion di duna bek na un bon causa via nos Self-Service Kiosk. Cu cada pago ricibi di clientenan via nos mashinnan di SSK durante e luna di November y December, SETAR lo haci un donacion di AWG 1 na un bon causa. Clientenan cu scoge pa paga via un machine di SSK asina aki ta aporta na e bon causa. Riba nos pagina di Facebook, lo por vota pa e instancia cu lo ricibi e donacion na luna di November y esun cu lo ricibi e donacion pa luna di December. 

Ademas pa e luna di November y December, SETAR lo habri e siguiente canalnan pa nos clientenan cu tin Cable Digital Basico y SETAR Complete Start-up. Esaki lo ta sin costo adicional pa e cliente. 

Cu e campaña nan aki, SETAR kier a gradici tur nos clientenan pa nan loyalidad y nan aporte di semper na nos compania nacional di telecomunicacion. Keda pendiente pa mas promocion cu lo wordo anuncio pronto!