Obsekio magistral en conexion cu Dia Internacional di Salud Mental

Posted on 11/4/2020 11:20 am AST | Updated on 11/4/2020 11:21 am AST

ORANJESTAD - Obra di man, creatividad y arte en general ta di suma importancia pa un persona su salud mental. En conexion cu Dia Internacional di Salud Mental, 10 di October, clientenan hunto cu personal di Fundacion Salud Mental Aruba Respaldo (FSMA Respaldo) a crea un obra maestra como obsekio pa e Raad van Bestuur (RVB) di e fundacion. 

Cu hopi entusiasmo y dedicacion 19 cliente hunto cu personal di “afdeling verblijf” y “afdeling huishoudelijke dienst” di FSMA Respaldo a pone man na obra 3 luna largo pa crea un obsekio special y unico pa RVB. 

E obsekio magistral aki ta un cuadra cu ta ilustra e logo di e fundacion. Un logo cu ta representa libertad, e importancia di salud mental y e sosten y servicio cu e fundacion local ta brinda. 10 Boter di lijm, 1 pida plywood, 2 bleki flit transparente y mas di 3000 prop di crêpepapier a wordo uza pa por a crea e obra maestra aki. Mas cu claro RVB a keda masha contento cu e obsekio aki y sigur lo dun’e un bunita luga y asina expone e talento di clientenan y personal di e fundacion.

 

  • Cacique Macuarima School ta gana premio di Unicef ‘Kinderrechten Filmfestival Cariben’ 2020

    Cacique Macuarima School ta gana premio di Unicef ‘Kinderrechten Filmfestival Cariben’ 2020

    ORANJESTAD - Den cuadro di dia Internacional di Derecho di Mucha, ariba 21 di november a tuma lugar e final virtual di e Unicef ‘Kinderrechten Filmfestival Cariben’ 2020. Na e final virtual di e Unicef ‘Kinderrechten Filmfestival Cariben’ 2020 a participa Curacao, Bonaire, St. Eustatius, Saba y Aruba cu un short film. 

  • Ganadornan a ricibi nan premio di Concurso di Pinta y Kleur

    Ganadornan a ricibi nan premio di Concurso di Pinta y Kleur

    ORANJESTAD - Diabierna ultimo, 20 di november, riba Dia Internacional di Derecho di Mucha, e comision di accion di Plan Nacional Ley di Cacho di Ministerio di Asutonan General a duna premio na e muchanan cu a gana cu nan arte den e Concurso di Pinta & Kleur cu tema cuido di mascota. E comision a ricibi mas cu 500 formulario di participacion, cu ta nifica cu e miembronan di hurado tabatin un tarea hopi dificil.

  • Minister di Cultura: Festival di Dande 2020 ta sigui, pero virtual

    Minister di Cultura: Festival di Dande 2020 ta sigui, pero virtual

    ORANJESTAD –  Minister di Cultura Sra. Xiomara Maduro diahuebs mainta a anuncia cu Festival di Dande 2020 ta sigui virtual.  E mandatario a trece dilanti cu cerca hopi hende ta biba e pregunta dicon eventonan cultural di Aruba no ta wordo teni siendo cu otro eventonan si ta tuma luga. E motibo di cancelacion ta cu e.o. cu na inicio di e pandemia na maart ultimo apenas tabata tin informacion riba e virus aki y su efecto pa Aruba, igual a conta pa henter mundo. Esey a trece cune cu siguiente eventonan a wordo cancela y/o a sigui den un forma diferente. Segun e mandatario como Gobierno responsabel mester a cancela e “Celebracion di Dia di Himno y Bandera 2020”, “Dia di San Juan” a wordo celebra den forma diferente caminda e pueblo a celebra na cas den sabana manera tabata tradicion y tambe tabata tin un “tableau vivant” caminda por a pasa cu auto y convivi esaki. E celebracion di Dia di Brazil a sigui na un manera diferente tambe cu un parada chikito y ‘tableau vivant’, manteniendo e distancia. Siman pasa despues di a contrae poco problema riba lama Sinterklaas a yega y nos muchanan por a mira esaki virtualmente. 

  • Minister a duna reconocemento na musico Carlos Bislip

    Minister a duna reconocemento na musico Carlos Bislip

    ORANJESTAD – Diasabra anochi Minister Xiomara Maduro a presencia e concierto dedica na sr. Carlos Bislip pa conmemora su 40 aña dedica na musica. Durante e concierto aki, Minister Maduro a sorpresa Carlos cu un reconocemento pa su guia y aporte positivo na e formacion musical di nos hobennan talentoso di Aruba. 

  • Artista contemporaneo ta presenta coleccion di obra: E canto di Nelson

    Artista contemporaneo ta presenta coleccion di obra: E canto di Nelson

    ORANJESTAD - Artista contemporaneo, Nelson Gonzalez ta presenta un coleccion di prosa, storia cortico y poesia. E storianan ta un refleho di Nelson su experencianan, emocionnan y perspectiva riba loke ta sosode den su mundo y su mente. E publicacion literario su titulo ta ‘E canto di Nelson’ y esaki a keda publica den forma di E-book. Potret y ilustracion nan autentico den e obra aki tambe ta di sr. Nelson Gonzalez. Den ‘E canto di Nelson’ Nelson ta contempla lama, e ta parti di un combersacion entre diferente fruta, e ta en busca di locual e ta haya falta di dje y e ta descubri un coleccion straño.

  • Kiwanis Club of San Nicolas a ricibi ‘Governors Award’ den su prome aña!

    Kiwanis Club of San Nicolas a ricibi ‘Governors Award’ den su prome aña!

    ORANJESTAD - Na luna di januari ultimo Kiwanis Club of San Nicolas a wordo funda cu 25 miembro cu hopi energia, dinamico y creativo cu a realisa proyectonan innovativo pa yuda e comunidad di San Nicolas. Den un corto tempo di existencia, e club a ehecuta un total di 7 proyecto na beneficio di e muchanan y e comunidad di San Nicolas. 

  • Powered by SETAR