Conseho di viahe a causa un rush pa biaha di Hulanda pa Corsou

AMSTERDAM – Desde diamars anochi, e cantidad di vacacion pa Corsou a aumenta drasticamente. Asina agencianan di viahe manera Corendon y TUI ta raporta segun Telegraaf. Ora cu premier Mark Rutte a anuncia den su conferencia di prensa diamars cu tin un aviso negativo pa viahe te mitar di januari 2021, pero cu esaki no ta conta pa e parti di Caribe, esaki a zona bon. Corsou ta e unico destinacion ainda cu por biaha, ya cu nan tin codigo geel. “Nos a mira reservacionnan pa Corsou drenta mesora despues di e conferencia di prensa” un vocero di Corendon a bisa. TUI a ripara e mesun trend. Segun e vocero di TUI, tin un interes mas grandi compara cu e tempo anterior. Pero ambos no por a duna indicacion concreto di con hopi e reservacionnan a aumenta. Manera indica, Corsou y Bonaire (desde awe merdia) ta e unico destinacionan den Caribe cu Hulandesnan por bay cu vacacion.  Potret cortesia ANP.